உரிமமில்லா வெளிநாட்டு ஊழியர் தங்கும் விடுதி: 300 படுக்கைகள்… 173 ஊழியர்கள் – சிக்கிய நிறுவனம் மற்றும் பொது மேலாளர்

Published: 29 Oct 2026, 3:19 PM |
Illegal dormitory Sungei Kadut

சுங்கை காடுட் பகுதியில் சட்டத்திற்கு புறம்பாக உரிமமில்லா தங்கும் விடுதி நடத்தியதாக (illegal dormitory) கட்டுமான நிறுவனம் மற்றும் அதன் பொது மேலாளர் மீதும் இன்று வியாழக்கிழமை (அக்.29) குற்றம் சாட்டப்பட்டுள்ளது.

58A சுங்கை காடுட் ரோட்டில் உள்ள LBD Engineering’s நிறுவனத்துக்கு சொந்தமான இடத்தில் மனிதவள அமைச்சகத்தின் (MOM) அதிகாரிகள் சோதனை நடத்தினர், அப்போது சுமார் 300 படுக்கைகள் அங்கு இருப்பது கண்டறியப்பட்டது.

173 வெளிநாட்டு ஊழியர்கள் தங்க வைப்பு

கடந்த 2025 ஆம் ஆண்டு ஜூலை முதல் 2026 ஜனவரி வரை, அந்த நிறுவனம் அதன் ஒரு பகுதி இடத்தை வெளிநாட்டு ஊழியர் தங்கும் விடுதியாக மாற்றி வைத்திருந்தது விசாரணையில் தெரியவந்தது.

அந்த இடங்களில் முறையான உரிமம் இல்லாமல், 4 நிறுவங்களை சேர்ந்த சுமார் 173 வெளிநாட்டு ஊழியர்கள் தங்கவைக்கப்பட்டு இருந்தனர் என்றும் சொல்லப்பட்டுள்ளது.

குற்றச்சாட்டு

இந்த நிலையில், வேண்டுமென்றே நிறுவனம் உரிமம் இல்லாத இடத்தில் வெளிநாட்டு ஊழியர் தங்கும் விடுதியை நடத்தியதாக பொது மேலாளர் அல்வின் லிம் யீ ஹொங் (35) மீது குற்றம் சாட்டப்பட்டுள்ளது.

மேலும், உரிமமில்லா தங்கும் விடுதியை இயக்கியதாக LBD Construction கட்டுமான நிறுவனத்தின் மீதும் குற்றம் சாட்டப்பட்டுள்ளது.

தண்டனை

இதுபோன்ற குற்றங்களுக்கு அதிகபட்சமாக S$500,000 வெள்ளி வரை அபராதம், இரண்டு ஆண்டுகள் வரை சிறை தண்டனை, அல்லது இரண்டும் விதிக்கப்படலாம்.

MOM நிலைப்பாடு

இதுபோன்று சட்டத்திற்கு புறம்பாக இயங்கும் தங்கும் விடுதிகளை தீவீரமாக பார்ப்பதாக MOM கூறியது.

அதற்கான உரிமங்கள் வெளிநாட்டு ஊழியர்களின் பாதுகாப்பை உறுதி செய்யவே அமைக்கப்பட்டுள்ளன என்பதை அது சுட்டிக்காட்டியது.

மாறாக உரிமமின்றி நடத்தப்படும் ஊழியர் விடுதிகளால் அதன் பாதுகாப்பு கேள்வி குறியாக்கப்பட்டு ஆபத்தில் முடியக்கூடும் என்பதையும் அது கூறியது.

இதுபோன்ற சந்தேகத்திற்குரிய சட்டத்திற்கு புறம்பான வெளிநாட்டு ஊழியர் தங்கும் விடுதிகள் நடத்தப்பட்டால் புகாரளிக்கலாம் என MOM கூறியுள்ளது.

புகார் அளிக்க – “Report an Infringement”

வெளிநாட்டு ஊழியர் Quota மோசடி – 21 பேரிடம் MOM விசாரணை

9 வெளிநாட்டு ஊழியர்களுக்கு முறைகேடாக Work Pass.. சிக்கியவருக்கு சிறை

ஒர்க் பெர்மிட் ஊழியர்களை குறிவைக்கும் e-wallets மோசடி: 21 வயது நபர் கைது – சிக்கிய ஊழியர்களிடம் போலீஸ் விசாரணை

இதுபோன்ற வெளிநாட்டு ஊழியர் செய்திகளை மட்டும் அறிந்துகொள்ள இணைந்திருங்கள் “சிங்கை தமிழ்” உடன்…

MOM, ICA அறிவிப்புகள், வேலை வாய்ப்பு செய்திகளை உடனுக்குடன் துல்லியமாக தெரிந்து கொள்ள - Follow the Singai Tamil Channel on WhatsApp

Join WhatsApp Channel
Photo of author

சிங்கப்பூர் செய்திகள் மற்றும் வெளிநாட்டு ஊழியர்களுக்கு வழங்கப்படும் உரிமைகள் குறித்த தகவல்களை கடந்த 10 ஆண்டுகளுக்கு மேலாக வழங்கி வரும் அனுபவம் வாய்ந்த பத்திரிகையாளர் இவர். இதற்கு முன்னர் தமிழ் மைக் செட் சிங்கப்பூர் மற்றும் தமிழ் டெய்லி சிங்கப்பூர் ஆகிய ஊடகங்களில் ஆசிரியராக பணியாற்றிய அனுபவம் இவருக்கு உண்டு. சிங்கப்பூர் வேலைவாய்ப்பு அனுமதிகள் உள்ளிட்டவை குறித்த அரசின் அதிகாரப்பூர்வ செய்திகளை ஆழமாக ஆராய்ந்து துல்லியமாக உள்ளது உள்ளபடி எழுதுவதில் நிபுணத்துவம் பெற்றவர் இவர்.