வெஸ்ட் கோஸ்ட் பார்க் அருகே லாரி மோதிய விபத்தில் 30 வயதுமிக்க மோட்டர் சைக்கிள் ஓட்டி ஒருவர் மரணித்ததாக செய்தி வெளியாகியுள்ளது. இதில், லாரி ஓட்டுநர் கைது செய்யப்பட்டார்.
இந்த சம்பவம் கடந்த செவ்வாய்க்கிழமை (அக்.20) காலை நடந்தது.
மலேசியா பதிவு எண் கொண்ட மோட்டர் சைக்கிள் விபத்தில் சிக்கி சாலையில் சேதமடைந்து கிடப்பதை ஃபேஸ்புக்கில் பகிரப்பட்ட புகைப்படத்தில் காண முடிகிறது.
அதே வேளையில், போக்குவரத்து காவல்துறை அதிகாரி ஒருவர் சாலை சந்திப்பில் போக்குவரத்தை ஒழுங்குபடுத்துவதையும் காண முடிகிறது.
வெஸ்ட் கோஸ்ட் ஃபெர்ரி ரோடு (West Coast Ferry Road) மற்றும் ஹார்பர் டிரைவ் (Harbour Drive) சந்திப்பில் இந்த சம்பவம் நடந்ததாக சொல்லப்பட்டுள்ளது.
காலை சுமார் 7.30 மணிக்கு காவல்துறை மற்றும் சிங்கப்பூர் குடிமை தற்காப்பு படைக்கு (SCDF) தகவல் கொடுக்கப்பட்டதாக குறிப்பிடப்பட்டுள்ளது.
மோட்டர் சைக்கிள் ஓட்டி மயக்க நிலையில் இருந்துள்ளார், பின்னர் அவர் தேசியப் பல்கலைக்கழக மருத்துவமனைக்கு கொண்டு செல்லப்பட்டார். ஆனால், சிகிச்சை பலனின்றி அவர் உயிரிழந்தார்.
கைது
கவனக்குறைவாக வாகனத்தை இயக்கி மரணம் ஏற்படுத்தியதாக சொல்லப்படும் 24 வயதுமிக்க லாரி ஓட்டுநர் கைது செய்யப்பட்டார்.
காவல்துறை விசாரணைகள் தொடர்ந்து நடைபெறுகிறது.
வெளிநாட்டு ஊழியர்களை ஏற்றிச் சென்ற லாரிகள் மோதல்.. ஊழியர்களுக்கு காயம்
சிங்னலை மீறிய லாரி.. டாக்ஸி ஓட்டுநர் நிரந்தர ஊனம் – லாரி ஓட்டுநருக்கு 23 மாத சிறை, தடை
