ஜலான் பெசார் பகுதியில் 51 வயது மதிக்கத்தக்க ஊழியர் ஒருவர் இறந்த நிலையில் கண்டெடுக்கப்பட்டதாகவும் அது குறித்து விசாரித்து வருவதாகவும் காவல்துறை கூறியுள்ளது.
இந்த சம்பவம், 36 அப்பர் வெல்ட் சாலையில் கடந்த செப்.7 ஆம் தேதி நடந்தது குறிப்பிடத்தக்கது.
சம்பவம் குறித்து தகவலை பெற்ற காவல்துறையினர் அங்கு விரைந்து சென்றனர், அப்போது அங்குள்ள பென்ச்ஜ் ஒன்றில் ஊழியர் அசைவின்றி கிடந்தார் என சொல்லப்படுகிறது.
மேலும் தகவலறிந்து சம்பவ இடத்திற்கு வந்த சிங்கப்பூர் குடிமைத் தற்காப்புப் படையின் (SCDF) துணை மருத்துவ குழுவினர் அவரை சோதித்தனர், ஆனால் அவர் சம்பவ இடத்திலேயே இறந்ததை அவர்கள் உறுதி செய்தனர்.
முதல்கட்ட விசாரணையின் அடிப்படையில் இந்த சம்பவத்தில் சதிச்செயல் ஏதேனும் நடந்ததாக காவல்துறை சந்தேகிக்கவில்லை.
இருப்பினும் இந்த சம்பவம் தொடர்பான விசாரணைகள் தொடர்ந்து நடைபெற்று வருகின்றன.
4 ஆண்டுகளாக வேலை
உயிரிழந்த ஊழியர் அந்த பகுதியில் 4 ஆண்டுகளாக வேலை பார்த்து வருவதாக துப்புரவு ஊழியர் ஒருவர் கூறினார்.
செப். 6 அன்று ஊழியர் அங்குள்ள உலோகப் பெட்டி ஒன்றில் படுத்து உறங்குவதை அவர் பார்த்துள்ளார்.
அவர் மது அருந்திவிட்டு இருக்கிறார் என நினைத்ததாக துப்புரவு ஊழியர் குறிப்பிட்டுள்ளார்.
அடுத்தநாள், அதே பகுதியில் அவர் அசைவின்றி படுத்திருப்பதை கவனித்த துப்புரவு ஊழியர் காவல்துறைக்கு தகவல் கொடுத்ததாக Shin Min Daily கூறியுள்ளது.
அவர் யார் என்ற முழு தகவலை காவல்துறை வெளியிடவில்லை.
விசாரணை தொடர்கிறது.
வெளிநாட்டு ஊழியர்கள், வேலை வாய்ப்பு தொடர்புடைய வீடியோக்களை மட்டும் காண சிங்கை தமிழ் Instagram பக்கத்தை பின்தொடருங்கள்..
Photo: Shin Min Daily News
