சிங்கப்பூரில் 8,081 நாட்கள் சட்டவிரோதமாக Overstay செய்தவர் போலீசிடம் சரண் – சிறை

Published: 25 Aug 2026, 1:51 PM |

சிங்கப்பூரில் சுமார் 22 ஆண்டுகளுக்கு மேலாக அதாவது 8,081 நாட்கள் Overstay செய்து சட்டவிரோதமாக தங்கி இருந்த சீனப்பெண்ணுக்கு தற்போது 6 மாத சிறைத் தண்டனையும் S$2,500 அபராதமும் விதிக்கப்பட்டுள்ளது.

57 வயதுமிக்க வாங் யுயிங் என்ற அந்த பெண், சிங்கப்பூரில் தனது அனுமதி பாஸ் காலாவதியான பிறகும் தங்கி இருந்ததை ஒப்புக்கொண்டார். இந்நிலையில், அவருக்கு குடிநுழைவு சட்டத்தின்கீழ் தண்டனை விதிக்கப்பட்டது.

காவல்துறையிடம் சரண்

புக்கிட் மேரா கிழக்கு அக்கம் பக்க காவல் நிலையத்தில் (Bukit Merah East Neighbourhood Police Centre) கடந்த ஆகஸ்ட் 4 அன்று வாங் தானாகச் சரணடைந்தார்.

சிங்கப்பூரில் தாம் சட்டபூர்வமாக தங்கி இருந்தற்கான எந்த ஒரு ஆவணத்தையும் அவரால் சமர்ப்பிக்க முடியவில்லை.

இதனை அடுத்து, அவர் கூடுதல் விசாரணைக்காக குடிநுழைவு, சோதனை சாவடி ஆணையத்திடம் (ICA) ஒப்படைக்கப்பட்டார்.

முன்னர், 2002ஆம் ஆண்டும் அவர் Overstay மூலம் 90 நாட்களுக்கு மேலாக தங்கி தண்டனை பெற்றவர் என்பது விசாரணையில் தெரியவந்தது.

தண்டனை பெற்று விடுவிக்கப்பட்ட வாங் பின்னர் நாடு கடத்தப்பட்டார். அதன் பின்னர் 2004ஆம் ஆண்டு மீண்டும் விமானம் மூலம் அவர் சிங்கப்பூருக்கு வந்துள்ளார்.

MOM, ICA அறிவிப்புகள், வேலை வாய்ப்பு செய்திகளை உடனுக்குடன் துல்லியமாக தெரிந்து கொள்ள - Follow the Singai Tamil Channel on WhatsApp

Join WhatsApp Channel
Photo of author

சிங்கப்பூர் செய்திகள் மற்றும் வெளிநாட்டு ஊழியர்களுக்கு வழங்கப்படும் உரிமைகள் குறித்த தகவல்களை கடந்த 10 ஆண்டுகளுக்கு மேலாக வழங்கி வரும் அனுபவம் வாய்ந்த பத்திரிகையாளர் இவர். இதற்கு முன்னர் தமிழ் மைக் செட் சிங்கப்பூர் மற்றும் தமிழ் டெய்லி சிங்கப்பூர் ஆகிய ஊடகங்களில் ஆசிரியராக பணியாற்றிய அனுபவம் இவருக்கு உண்டு. சிங்கப்பூர் வேலைவாய்ப்பு அனுமதிகள் உள்ளிட்டவை குறித்த அரசின் அதிகாரப்பூர்வ செய்திகளை ஆழமாக ஆராய்ந்து துல்லியமாக உள்ளது உள்ளபடி எழுதுவதில் நிபுணத்துவம் பெற்றவர் இவர்.