புக்கிட் தீமா கால்வாயில் மயங்கிய நிலையில் மிதந்த நபர்.. மருத்துவமனையில் உயிரிழப்பு

Published: 24 Aug 2026, 4:19 PM |

புக்கிட் தீமா பகுதியில் உள்ள கால்வாயில் இருந்து மயங்கிய நிலையில் மீட்கப்பட்ட 57 வயதுமிக்க நபர் ஒருவர் உயிரிழந்ததாக செய்திகள் வெளியாகியுள்ளன.

அவர் மீட்கப்பட்டு மருத்துவமனைக்கு கொண்டு செல்லப்பட்டார் என்றும் ஆனால் அவர் சிகிச்சை பலனின்றி உயிரிழந்ததாகவும் தெரிவிக்கப்பட்டுள்ளது.

நேற்று (ஆக.23) இரவு 7:45 மணியளவில், Wayang Satu Flyover அருகே ரோச்சர் கால்வாயில் ஒருவர் மயங்கிய நிலையில் மிதப்பதாக சிங்கப்பூர் குடிமை தற்காப்பு படைக்கு (SCDF) தகவல் வந்தது.

பின்னர், சம்பவ நடந்த இடத்துக்கு விரைந்து வந்த மீட்புப் படையினர் ஏணியை பயன்படுத்தி கால்வாயில் இறங்கி அந்த நபரை மீட்டு மேலே கொண்டு வந்தனர்.

இதனை அடுத்து, அவர் உடனடியாக டான் டோக் செங் மருத்துவமனைக்கு கொண்டு செல்லப்பட்டார்.

ஆனால், அதன் பின்னர் அவர் மருத்துவமனையில் உயிரிழந்ததாக காவல்துறை உறுதிப்படுத்தித் தெரிவித்தது.

ஆரம்பகட்ட விசாரணையில் சதிச்செயல் ஏதும் நடந்ததாக காவல்துறை சந்தேகிக்கவில்லை.

விசாரணை தொடர்ந்து நடைபெற்று வருகிறது.

அவர் யார் என்பது குறித்த விவரங்களை காவல்துறை வெளியிடவில்லை.

MOM, ICA அறிவிப்புகள், வேலை வாய்ப்பு செய்திகளை உடனுக்குடன் துல்லியமாக தெரிந்து கொள்ள - Follow the Singai Tamil Channel on WhatsApp

Join WhatsApp Channel
Photo of author

சிங்கப்பூர் செய்திகள் மற்றும் வெளிநாட்டு ஊழியர்களுக்கு வழங்கப்படும் உரிமைகள் குறித்த தகவல்களை கடந்த 10 ஆண்டுகளுக்கு மேலாக வழங்கி வரும் அனுபவம் வாய்ந்த பத்திரிகையாளர் இவர். இதற்கு முன்னர் தமிழ் மைக் செட் சிங்கப்பூர் மற்றும் தமிழ் டெய்லி சிங்கப்பூர் ஆகிய ஊடகங்களில் ஆசிரியராக பணியாற்றிய அனுபவம் இவருக்கு உண்டு. சிங்கப்பூர் வேலைவாய்ப்பு அனுமதிகள் உள்ளிட்டவை குறித்த அரசின் அதிகாரப்பூர்வ செய்திகளை ஆழமாக ஆராய்ந்து துல்லியமாக உள்ளது உள்ளபடி எழுதுவதில் நிபுணத்துவம் பெற்றவர் இவர்.